Nassiussanik assartuineq
Royal Arctic Line A/S-ip umiarsuaatai tassaapput umiarsuit containerinut assartuutit arfiniliusut Kalaallit Nunaanni pissutsinut naleqqussarlugit immikkut sanaat sikusiutaasinnaasullu. Kalaallit Nunaanni usilersornermut usingiarnermullu atugassanik umiarsuit namminneq kivittaateqarput. Taakku saniatigut umiarsuit kalinneqarsinnaasunik namminerlu ingerlasinnaasunik immikkullu ineriartortitanik prammeqarput, umiarsualiveqanngitsuni atorneqartartunik.
Titartagaq 1. Usit umiarsuartigut assartukkat
Najoqqutaq: Royal Arctic Line A/S
Post Greenland A/S-mit 2013-mi allakkat 237 tonsit nassiunneqarput. 1999-miit allakkat amerlassusaat ikiliartuaarsimapput, taamani allakkat 565 tonsit nassiussorneqarlutik.